CONDICIÓNS PARA SER SOCIO DE ARGA
- Poderán ser membros da asociación todos os artistas maiores de idade residentes en España que dalgunha maneira teñan interese en servir aos fins da mesma e sexan admitidos polo Comité de Admisión de Socios designado pola Xunta Directiva quen determinará se o solicitante reúne as condicións mínimas de calidade artística para ser admitido.
- Solicitude por escrito dirixida á asociación e presentada no domicilio da súa sede debidamente asinada, así como dun arquivo con fotografías da obra actual e currículo. Na solicitude, no seu caso, deberá figurar o nome do asociado que o presenta.
- Unha vez admitida a solicitude deberá entregarse na Sede de Arga unha autorización bancaria.
- En concepto de cota de entrada deberá abonarse 200 euros que serán ingresados na conta bancaria da asociación co primeiro recibo do mes seguinte á solicitude. Previa solicitude poderá diferirse este pago en catro mensualidades (esta cota está bonificada no 50 % no caso de menores de 30 anos).
Os familiares dos asociados, en primeiro grao, están exentos do pago da cota de entrada. - A cota mensual será de 25 euros, e de 15 euros para os mozos menores de trinta anos.
- Se se producise algunha devolución de recibos o asociado queda obrigado a ingresar na conta bancaria da asociación a cota devolta máis os gastos de devolución.
- A devolución de tres cotas consecutivas supoñerá, salvo causa xustificada, a expulsión da asociación.
- Os membros da asociación quedan obrigados a respectar cantas normas e proxectos aprobe a Xunta Directiva así como os acordos adoptados pola Asemblea Xeral.
- Para participar en proxectos ou eventos organizados pola asociación e en caso de haber prazas limitadas, a orde de selección será:
- Estar ao día no pago de cotas
- Data de solicitude e pago do evento.
- Antigüedad na asociación.
Podes descargar o PDF para a inscrición aquí